О́ńirge kelgen jumys sapary aıasynda Meıram Pishembaev, Albert Raý, Aleksandr Sýslov, Aıgúl Nurkına, Aızada Qurmanova men Anar Jaıylǵanova «Qazaqstan Alıýmınııi» AQ-nyń óndiristik sehtaryna bardy.
Májilismender kásiporynnyń eńbek ujymymen kezdesti. Zaýyt dırektory Rafael Qadyrov jalpy, kásiporyn jumysymen, atqarylǵan jumystar barysymen tanystyrdy.
«Alıýmınıı zaýyty qýatty kásiporny. Elimizde ǵana emes, shetelde de suranysqa ıe ónim shyǵaratyn alyp óndiris orny. Biz jańa tehnologııalardyń jumys jasap jatqanyn kórdik. Sıfrlandyrý júzege asyrylýda. Kásiporyn el ekonomıkasynyń órkendeýine úles qosýda. Aınalasynda kishi jáne orta kásipkerlik te jetilýi tıis», - deıdi Meıram Pishembaev.
Budan ary qaraı sapar Aqsýda jalǵasty. Májilismender Aqsý ferroqorytpa zaýytynda da kásiporyn jumysshylarymen kezdesti. Ashyq áńgime barysynda eski qaladaǵy turǵyn úılerdi qaladaǵy ortalyqtandyrǵan jylý qubyryna qosý máselesi aıtyldy.
– Kúni búginge deıin pesh jaǵýǵa májbúrmiz, - dedi eski qala aýmaǵynda turatyn zaýyt jumysshylary.
Sonymen birge depýtattar qaladaǵy «QazRýdProm» JShS shlakty baıytý kásiporny, kovorkıng-ortalyq, balalar eko-teh ortalyǵynda bolyp qalalyq ishki ister bóliminiń qyzmetkerlerimen kezdesý ótkizdi.
Farıda BYQAI
«Egemen Qazaqstan»
PAVLODAR
Sýretti túsirgen: Aıbek Jumatov